​İtaliyada Bakı Beynəlxalq Multikulturalizm Mərkəzinin filialı yaradılacaq

Bakı. 4 mart. REPORT.AZ/Bu gün Bakı Beynəlxalq Multikulturalizm Mərkəzində (BBMM) İtaliyanın Sandro Teti Nəşriyyat Evinin (STNE) rəhbəri, politoloq Sandro Teti ilə görüş keçirilib.

Bu barədə "Report"a Mərkəzin mətbuat xidmətindən bildirilib.

BBMM ilə STNE arasında multikulturalizmin həyat tərzinə çevrildiyi Azərbaycanın dünyaya tolerantlıq nümunəsi olaraq tanıdılmasını, bu istiqamətdə müştərək layihələrin icrasını təmin etmək məqsədilə qarşılıqlı əməkdaşlıq haqqında anlaşma memorandumu imzalanıb. 

Sənədi Mərkəzin icraçı direktoru Azad Məmmədovla politoloq Sandro Teti imzalayıb. Memoranduma əsasən, İtaliyada BBMM-in Roma filialının yaradılması və fəaliyyətinin təşkili təmin ediləcək.