Yavər Camalov İsrail səfiri ilə ikitərəfli münasibətləri müzakirə edib

Bakı. 2 sentyabr. REPORT.AZ/ Azərbaycan müdafiə sənayesi naziri Yavər Camalov İsrailin Azərbaycandakı səfiri Dan Stavı qəbul edib.

"Report"un Nazirliyin saytına istinadən verdiyi xəbərə görə, nazir görüşdə Azərbaycan ilə İsrail arasındakı ikitərəfli münasibətləri yüksək qiymətləndirdiyini vurğulayıb.

Yavər Camalov Müdafiə Sənayesi Nazirliyinin fəaliyyəti ilə bağlı səfirə məlumat verib.

Görüş zamanı qarşılıqlı maraq doğuran məsələlər ətrafında geniş fikir mübadiləsi aparılıb.