XİN başçısı: “Gürcüstan-Azərbaycan tərəfdaşlığı gündən-günə güclənir”

“Sülh, sabitlik və regional inkişafa diqqətin yönədilməsi ilə tərəfdaşlığımız gündən-günə güclənir”.

“Report”un yerli bürosu xəbər verir ki, bunu Azərbaycanda səfərdə olan Gürcüstanın xarici işlər naziri İlya Darçiaşvili tviter hesabında yazıb.

O, Azərbaycana rəsmi səfərə başlamaqdan şərəf duyduğunu qeyd edib.

İ.Darçiaşvili bildirib ki, Azərbaycan Prezidenti İlham Əliyevlə görüşdə iki ölkə arasında diplomatik əlaqələrin qurulmasının 30-cu ildönümü xüsusi olaraq vurğulanıb.