Bakı. 29 iyun. REPORT.AZ/ Azərbaycan Xarici İşlər Nazirliyi dünən gecə saatlarında İstanbulda hava limanında törədilmiş terror aktlarında ölən və yaralananlar arasında Azərbaycan vətəndaşlarının olub-olmaması məsələsini araşdırır.
Bu barədə "Report"a XİN-in mətbuat katibi Hikmət Hacıyev məlumat verib.
Xatırladaq ki, terror aktı iyunun 28-də gecə saatlarında İstanbuldakı Atatürk hava limanının beynəlxalq terminalında törədilib. Rəsmi məlumatlara görə, partlayışlar nəticəsində 36 nəfər həyatını itirib, 147 nəfər isə yaralanıb.