Bakı. 15 noyabr. REPORT.AZ/ "Braziliya Azərbaycanın ərazi bütövlüyünü dəstəkləyir".
"Report" xəbər verir ki, bunu brifinqdə jurnalistlərə Braziliyanın xarici işlər naziri Aloiziu Nunes Ferreyra deyib.
O qeyd edib ki, Braziliya Dağlıq Qarabağ münaqişəsinin beynəlxalq hüquq çərçivəsində və BMT Təhlükəsizlik Şurasının qətnamələrinə uyğun olaraq sülh yolu ilə həllini dəstəkləyir.
"Braziliya münaqişənin həlli üzrə ATƏT-in Minsk qrupunun səylərini, eləcə də sülh, dialoq, təhlükəsizlik və ərazi bütövlüyünün toxunulmazlığını dəstəkləyir", - Aloiziu Nunes Ferreyra bildirib.