Yuxarı
    Bağlamaq

    Vladimir Putin Prezident İlham Əliyevə telefonla zəng edib

    Söhbət zamanı ikitərəfli əlaqələrin gələcək inkişafının müxtəlif istiqamətləri ilə bağlı məsələlər müzakirə olunub

    Bakı. 24 dekabr. REPORT.AZ/ Rusiya Federasiyasının Prezidenti Vladimir Putin dekabrın 24- də Azərbaycan Prezidenti İlham Əliyevə telefonla zəng edib.

    "Report" xəbər verir ki, məlumatı Azərbaycan Prezidentinin mətbuat xidməti yayıb. 

    Vladimir Putin Prezident İlham Əliyevi ad günü münasibətilə təbrik edib, Azərbaycan xalqının firavanlığı və ölkəmizin inkişafı naminə ona dövlətçilik fəaliyyətində uğurlar, möhkəm cansağlığı arzulayıb.

    Dövlət başçısı göstərilən diqqətə və təbrikə görə minnətdarlığını bildirib.

    Prezidentlər iki ölkə arasında strateji tərəfdaşlığa əsaslanan dostluq münasibətlərinin bundan sonra da genişlənəcəyinə əminliklərini ifadə ediblər.

    Söhbət zamanı ikitərəfli əlaqələrin gələcək inkişafının müxtəlif istiqamətləri ilə bağlı məsələlər müzakirə olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi