Viktor Orban: Sanksiyalar Avropa iqtisadiyyatının təməlini sarsıdıb

Sanksiyalar Avropa iqtisadiyyatının və bazarının təməlini sarsıdıb.

“Report”un Budapeştə ezam olunmuş əməkdaşı xəbər verir ki, bunu Macarıstanın Baş naziri Viktor Orban Azərbaycan Prezidenti İlham Əliyevlə birgə mətbuat konfransında deyib.

O qeyd edib ki, mütəmadi olaraq Macarıstan enerji böhranı yaşayır:

“Bizim vəziyyətimizi yaxşılaşdıran Rusiya ilə bu sahədə əməkdaşlığı tam sonlandırmamağımız olub. Həmçinin türk dövlətləri olmasa, bizim enerji təhlükəsizliyimizi təmin etmək çətin olardı. Qonşumuzda üç ildir müharibə davam edir. Rusiya-Ukrayna müharibəsi nəticəsində Macarıstana dəymiş ziyanın məbləği 20 milyard avrodan çox olub. Təəssüflər olsun ki, Avropa İttifaqı müharibənin davam etdirilməsini seçib. Avropa iqtisadiyyatı mürəkkəb vəziyyətdədir”.