Ukraynalılar İstanbulda Rusiya əleyhinə aksiya keçirib

İstanbulda yaşayan ukraynalılar İstanbul Universitetinin yaxınlığındakı meydanda Rusiyanın Ukraynaya hərbi müdaxiləsinə etiraz edib.

"Report"un Türkiyə bürosu xəbər verir ki, etirazçılar əllərində Türkiyə, Ukrayna və Avropa İttifaqı bayraqları ilə "Yaşasın Ukrayna!", "Azad Ukrayna!", "Müharibəyə yox!" şüarları səsləndirib.

Aksiya iştirakçılarının əsas tələbləri arasında Rusiya qoşunlarının Ukraynadan çəkilməsi, Rusiyanın qondarma LXR və DXR tanımaqdan imtina edib, Ukraynanın ərazi bütövlüyünə hörmət göstərməsi, ölkə və dünya ictimaiyyətinin diqqətini Ukraynada baş verən proseslərə daha çox cəlb etməkdir.

Qeyd edək ki, aksiya şəhər meriyası ilə razılaşdırılıb və heç bir insident qeydə alınmayıb.