Yuxarı

Ukrayna XİN jurnalistləri Azərbaycan ərazisinə giriş qaydalarına hörmət etməyə çağırıb

Ukraynalı jurnalistlər Azərbaycan Respublikasının qaydalarını pozub və Ukrayna XİN-in tövsiyələrinə məhəl qoymayıblar

Bakı. 28 noyabr. REPORT.AZ/ Ukrayna Xarici İşlər Nazirliyi qurumun tövsiyələrini nəzərə almağa və Azərbaycan tərəfinin Dağlıq Qarabağa giriş qaydalarına hörmətlə yanaşmağa çağırıb.

"Report" "Ukrinform"a istinadən xəbər verir ki, bu barədə Ukrayna XİN mətbuat katibi Yevgeni Perebiynis açıqlama verib. 

"Biz saytımızda tövsiyələrin yerləşdirilməsi haqqında Azərbaycan tərəfini məlumatlandıracağıq. Burada aydın şəkildə yazılıb ki, bu regionlara səfər etmək üçün mütləq Azərbaycan Respublikasının müvafiq orqanlarından icazə almaq lazımdır. Biz  həmişə bütün jurnalistləri bu normalara riayət etməyə çağırırıq", - Perebiynis bildirib.

O qeyd edib ki,  jurnalistlər Azərbaycan Respublikasının qaydalarını pozub, eləcə də Ukrayna XİN-in tövsiyələrinə məhəl qoymayıblar.

"Bu özəl kanaldır, biz əlbəttə ki, özəl kanallara hər hansı bir direktiv verə bilmərik. Lakin istənilən halda biz bütün jurnalistləri bu normalara riayət etməyə çağırırıq. Müvafiq olaraq, öz mövqeyimizi kanal rəhbərliyinə çatdıracağıq", - XİN nümayəndəsi əlavə edib. 

Xatırladaq ki, Azərbaycanın Ukraynadakı səfirliyi  "1+1" televiziya kanalının efirə verdiyi "15 respublika" verilişi ilə bağlı Ukrayna XİN-ə etiraz notası göndərib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi