Ukrayna səfirliyi və Nizami Gəncəvi Mərkəzi “Ukraynanın sülhə gedən yolu” mövzusunda dəyirmi masa keçiriblər

Ukraynanın Azərbaycandakı səfirliyi və Nizami Gəncəvi Beynəlxalq Mərkəzinin təşkilatçılığı ilə “Ukraynanın sülhə gedən yolu” mövzusunda dəyirmi masa keçirilib.

“Report” xəbər verir ki, bu barədə Ukrayna səfiri Yuri Qusyev sosial şəbəkədə yazıb.

“Ukrayna Dövlətçiliyi Günündə səfirlik və Nizami Gəncəvi Beynəlxalq Mərkəzinin təşkilatçılığı ilə “Ukraynanın sülhə gedən yolu” mövzusunda dəyirmi masa keçirilib. Müzakirə olunan əsas mövzu ədalətli sülh və Prezident Volodimir Zelenskinin Sülh Formulasının həyata keçirilməsidir. Rusiya təcavüzünü dayandırmaq üçün Ukraynaya dəstək verən bütün millətlərə təşəkkür edirik”, – diplomat qeyd edib.