Türkiyənin XİN başçısı azərbaycanlı həmkarına təşəkkür edib

Türkiyənin xarici işlər naziri Mövlud Çavuşoğlu İstanbulda törədilmiş terror aktı ilə bağlı başsağlığı vermiş azərbaycanlı həmkarı Ceyhun Bayramova təşəkkür edib.

“Report” xəbər verir ki, o, bu barədə tviterdə yazıb.

Qeyd edək ki, dünən İstanbulda baş vermiş partlayış nəticəsində 6 nəfər ölüb, 81 nəfər yaralanıb. Məlumata görə, terror aktını törətməkdə şübhəli bilinən şəxslər saxlanılıblar.