Türkiyənin Azərbaycandakı səfirliyində Atatürkün xatirəsi anılıb

Türkiyənin Azərbaycandakı səfirliyində Türkiyə dövlətinin qurucusu Qazi Mustafa Kamal Atatürkün anım mərasimi keçirilib.

“Report” xəbər verir ki, türkiyəli diplomatlar səfirliyin həyətində Atatürkün abidəsini ziyarət edib, önünə gül dəstələri düzüblər.

Mərasimdə Milli Məclisin Səhiyyə komitəsinin sədri, Azərbaycan-Türkiyə parlamentlərarası dostluq qrupunun sədri, akademik Əhliman Əmiraslanov, Bakıda səfərdə olan Türkiyə-Azərbaycan parlamentlərarası dostluq qrupunun rəhbəri Şamil Ayrım iştirak ediblər.

“Milli mübarizənin baş komandanı, Cümhuriyyətimizin qurucusu, müasir Türkiyənin memarı Mustafa Kamal Atatürkü hörmətlə andıq”, - Türkiyənin Azərbaycandakı səfiri Cahit Bağçı tviter səhifəsində yazıb.

Milli Mücadelenin Başkomutanı, Cumhuriyetimizin Kurucusu Çağdaş Türkiye’nin mimarı Mustafa Kemal Atatürk’ü Azerbaycan’da Saygı ve Özlemle andık. pic.twitter.com/7uylUN6LgE

— Cahit Bağcı (@CahitBagci) November 10, 2021