Türkiyənin Azərbaycandakı səfiri Şuşaya gedib

Türkiyənin Azərbaycandakı səfiri Cahit Bağcı Şuşaya gedib.

“Report” xəbər verir ki, bunu diplomat tviterdə yazıb.

O, azad Şuşada səhər gəzintisi etdiyini və günəşin doğuşunu izlədiyini bildirib.

Qeyd edək ki, Şuşada beynəlxalq Qarabağ Biznes Forumu keçirilir. Türk Dövlətləri Təşkilatı üzvlərinin iştirak etdiyi forumda Qarabağın bərpası, əməkdaşlıq, sərmayə, biznes və digər məsələlər müzakirə olunur.

Forumda Azərbaycan rəsmiləri ilə yanaşı, Türk Dövlətləri Təşkilatının baş katibi Bağdad Amreyev, Türkiyə Ticarət və Sənaye Palatasının sədri Rifat Hisarcıklıoğlu, həmçinin Özbəkistan, Qırğızıstan və Türkmənistanın ticarət və sənaye palatalarının rəhbərləri, eləcə də bu ölkələrin dövlət qurumları və müxtəlif təşkilatlarının nümayəndələri iştirak edirlər.

Özgür #ŞUŞA’da sabah yürüyüşü yapmanızı ve güneşin doğuşunu izlemenizi tavsiye ederim. #KarabağAzerbaycandır pic.twitter.com/6TfIcATpvu

— Cahit Bağcı (@cahitbagci) September 16, 2022