Türkiyə səfiri: "Cənubi Qafqazda yeni reallıqlar yaranıb"

"Cənubi Qafqazda yeni reallıqlar yaranıb".

"Report" xəbər verir ki, bunu Türkiyənin Azərbaycandakı səfiri Cahit Bağcı Azərbaycan Dövlət İqtisad Universitetində (UNEC) tələbələrlə görüşü zamanı deyib.

O bildirib ki, hər kəs bu reallığı qəbul etməlidir: "44 günlük Vətən müharibəsi ilə 30 illik işğala son qoyuldu. Həmçinin yeni reallığı formalaşdıran başqa bir faktor Azərbaycanın əlindəki enerji açarıdır. Əlbəttə, Azərbaycanın Şərqlə Qərbin mərkəzində, tarixi İpək yolu üzərində yerləşməsi də mühüm məqamdır".