Türkiyə Prezidenti yanında Şura üzvü Ermənistana xəbərdarlıq edib

“Ermənistanın Baş naziri Nikol Paşinyan Brüsseldə fərqli, İrəvanda fərqli davranış sərgilədiyi müddət ərzində Ermənistanın hər mənada normallaşması mümkün deyil”.

“Report” xəbər verir ki, bunu Türkiyə Prezidenti yanında Təhlükəsizlik və Xarici siyasət Şurasının üzvü, Türkiyə-Azərbaycan Dostluq, Əməkdaşlıq və Həmrəylik Vəqfinin və Azərbaycan Evinin rəhbəri Aygün Attar tviter səhifəsində yazıb.

“Ermənistanın iqtisadi, siyasi və sosioloji baxımdan çökməsi qaçılmazdı. Ermənistan Azərbaycanla normallaşma prosesinin şərtlərinə uyğun davranmalıdır. Ya önünə baxmalıdır, ya da erməni diaspuruna xidmət etməyə davam etməlidir",  - o bildirib.