Türkiyəli hərbi ekspert: "Azərbaycan sülh istəyir və bunu göstərmək üçün bütün müzakirələrdə iştirak edir"

“Azərbaycanla əlaqələrimiz hər ötən gün daha da inkişaf edir. Bu, belə də olmalıdır”.

“Report” xəbər verir ki, bunu türkiyəli hərbi ekspert Ünal Atabay “Haber Global”ın efirində Prezident Rəcəb Tayyib Ərdoğanın Azərbaycana səfəri ilə bağlı danışarkən deyib.

O bildirib ki, hər iki dövlət və xalqlar münasibətlərin daha da gücləndirilməsində maraqlıdır.

Analitikin sözlərinə görə, Ermənistan ABŞ, Rusiya və Fransa arasında qalıb:

“Azərbaycan sülh istəyir və bunu göstərmək üçün bütün müzakirələrdə iştirak edir. Qərb dünyası deyir ki, Zəngəzur dəhlizi Rusiyanın Qarabağdan çıxması qarşılığında açıla bilər”.