Türkiyə-Azərbaycan Hökumətlərarası Müştərək Komissiyasının həmsədri təyin edilib

Bakı. 17 iyun. REPORT.AZ/ Türkiyənin energetika və təbii ehtiyatlar naziri Berat Albayrak Türkiyə-Azərbaycan Hökumətlərarası Müştərək Komissiyasının həmsədri təyin edilib.

"Report" Türkiyə KİV-inə istinadən xəbər verir ki, bu barədə Türkiyənin baş naziri Binəli Yıldırım müvafiq sərəncam imzalayıb.

Qeyd edək ki, Komissiyanın Azərbaycan Respublikası tərəfindən həmsədri baş nazirin birinci müavini Abid Şərifovdur.

Xatırladaq ki, B.Albayrak həm də Türkiyə ilə Əlcəzair, Çin, Liviya, Nigeriya, Uqanda və Venesuela arasında ticari-iqtisadi əməkdaşlıq məsələləri üzrə Hökumətlərarası komissiyaların həmsədri təyin edilib.