TDT baş katibinin müavini: Azərbaycanda seçkilər çox şəffaf şəraitdə keçirildi

Azərbaycanda demokratiya inkişaf edir.

"Report" xəbər verir ki, bunu Azərbaycanda keçirilən parlament seçkiləri ilə bağlı jurnalistlərə açıqlama verən Türk Dövlətləri Təşkilatı (TDT) baş katibinin müavini Ömər Kocaman deyib.

O bildirib ki, parlament seçkiləri bu qənaəti bir daha təsdiqlədi: "Seçkilər çox şəffaf şəraitdə keçirildi".

Ö. Kocaman həmçinin qeyd edib ki, bu parlament seçkilərinin işğaldan azad edilən Qarabağda ilk dəfə keçirilməsi mühüm hadisədir: "Bu, tarixdir. İnşallah, Azərbaycanı həmişə inkişaf yolunda görəcəyik".