Tacikistan səfirliyinin əməkdaşları Azərbaycanda keçiriləcək referendumu müşahidə edəcək

Bakı. 16 sentyabr. REPORT.AZ/ Tacikistanın Azərbaycandakı səfirliyinin nümayəndələri Azərbaycan Konstitusiyasına əlavə və dəyişikliklərlə bağlı sentyabrın 26-da keçiriləcək referendumu müşahidə edəcək.

"Report" "Asia Plus"a istinadən xəbər verir ki, bu barədə Tacikistan Mərkəzi Seçki Komissiyasının rəhbəri Abdumannon Dodozoda bildirib.

"Bakıda işləyən Tacikistan diplomatları Azərbaycan konstitusiya referendumunu müşahidə üzrə MDB missiyasının tərkibinə daxil ediləcəklər", - deyə o vurğulayıb.