Ersin Tatarın Azərbaycana səfəri başlayıb - YENİLƏNİB

Şimali Kipr Türk Respublikasının Prezidenti Ersin Tatarın Azərbaycana səfəri başlayıb.

"Report" xəbər verir ki, Ersin Tatar və onun rəhbərlik etdiyi nümayəndə heyətini daşıyan təyyarə Heydər Əliyev adına Beynəlxalq Hava Limanına enib.

Şimali Kipr Türk Respublikasının Prezidenti Ersin Tatar bu gün Azərbaycana səfərə gəlir.

“Report”un əldə etdiyi məlumata görə, onun günorta saatlarında Bakıda olacağı gözlənilir.

E.Tatarın Azərbaycan rəsmiləri ilə bir sıra görüşlər keçirəcəyi gözlənilir. O, eyni zamanda, Bakıda təşkil olunacaq Şimali Kiprin Mədəniyyət Günləri çərçivəsində keçiriləcək tədbirlərdə iştirak edəcək.

Xatırladaq ki, oktyabrın 13-14-də Bakıda Şimali Kiprin Mədəniyyət Günləri keçiriləcək.