Bakı. 1 sentyabr. REPORT.AZ/ Azərbaycanın Cənubi Koreyadakı səfiri Rəmzi Teymurov ölkəmizə ilk rəsmi səfər edən Cənubi Koreyanın keçmiş prezidenti No Mu Henanın məzarını ziyarət edib.
"Report"un səfirliyin mətbuat xidmətinə istinadən verdiyi xəbərə görə, bu məqsədlə Rəmzi Teymurov ölkənin cənub-şərqində yerləşən Kensan-Namdo vilayətinə yollanıb.
O, səfər zamanı eks prezidentin evini ziyarət edərək, həyat yoldaşı Kvon Yanq Suk ilə görüşüb. Söhbət zamanı xanım Kvon Yanq Suk Bakı səfəri haqqında danışıb, təəssuratlarını bölüşüb. Diplomat ona No Mu Henanın Azərbaycana səfəri ilə bağlı çəkilmiş fotoşəkillərdən ibarət albom təqdim edib.