Yuxarı

​Səfir: "Fransa və Azərbaycan möhkəm və sıx əməkdaşlıq həyata keçirir"

Bakıda Fransanın Milli günü münasibətilə tədbir keçirilib

Bakı. 14 iyul. REPORT.AZ/ Bakıda Fransanın Respublika Gününə həsr olunmuş - Bastiliyanın alınması münasibətilə tədbir keçirilib.

"Report" xəbər verir ki, tədbirdə çıxış edən Fransanın Azərbaycandakı səfiri Aureliya Buşe bildirib ki, bu gün Fransa üçün respublikanın dövlətçiliyinin əsasını təşkil edən - "azadlıq, bərabərlik və qardaşlıq" prinsipləri çox vacibdir. Səfir qeyd edib ki, Fransa və Azərbaycan bir çox sahələrdə, o cümlədən Dağlıq Qarabağ münaqişəsinin həlli məqsədilə ATƏT-in Minsk qrupu çərçivəsində fəal dialoq aparır.

"Fransa və Azərbaycan möhkəm və sıx əməkdaşlıq həyata keçirirlər", - deyə səfir bildirib.

Buşe vurğulayıb ki, ölkələr iqtisadi əlaqələri inkişaf etdirirlər. O, həmçinin Azərbaycan iqtisadiyyatının diversifikasiyasının vacibliyini qeyd edib və vurğulayıb ki, bu sahədə Azərbaycan bazarında təmsil olunan müxtəlif sahələrdə, o cümlədən neft-qaz sənayesində, tikinti, kosmos, informasiya texnologiyaları və s. fransız kampaniyaları böyük rol oynayır.

Öz növbəsində Azərbaycanın iqtisadiyyat nazirinin müavini Sahil Babayev bildirib ki, Azərbaycan və Fransa əməkdaşlığı fəal inkişaf etdirir. O qeyd edib ki, Azərbaycan Fransanın ATƏT-in Minsk qrupunun həmsədri kimi Dağlıq Qarabağ münaqişəsinin nizamlanmasında səylərini qiymətləndirir və ümid edir ki, bu səylər öz müsbət nəticələrini verəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi