Şaffer: “Amerikanın Səsi” Azərbaycanda terror aktları törədən iranyönümlü hərəkatı dəstəkləyir”

Amerikalı politoloq Brenda Şaffer “Amerikanın Səsi” televiziya və radiosunun qətl və kütləvi iğtişaşlar törətməkdə təqsirli bilinən, “Müsəlman Birliyi” adlı qeyri-qanuni hərəkatının rəhbəri Taleh Bağırzadənin həyat yoldaşı haqqında süjetinə qarşı çıxıb.

“Report” xəbər verir ki, bu barədə “Naval postgraduate school”un (ABŞ) professoru və Amerika Siyasi Elmlər Assosiasiyasının üzvü Brenda Şaffer “X” sosial şəbəkəsində yazıb.

“ABŞ vergi ödəyiciləri tərəfindən maliyyələşdirilən “Amerikanın səsi” televiziya və radiostansiyası Azərbaycanda terror aktları törətmiş, İranın himayə etdiyi hərəkatı dəstəkləyir”, - o qeyd edib.