Moskva. 6 dekabr. REPORT.AZ/ "Səfirlərin təyin edilməsi Rusiya prezidentinin səlahiyyətidir. Namizədlər qurumlararası razılaşmadan keçir və heç vaxt ictimai müzakirəyə çıxarılmır, təcrübə belədir. Səfir təyin olunana qədər bu vəzifəni müvəqqəti işlər vəkili icra edəcək".
Bunu "Report"un Rusiya bürosunun sorğusuna cavab olaraq Rusiya Xarici İşlər Nazirliyinin mətbuat katibi Mariya Zaxarova ölkəsinin Azərbaycana yeni səfir təyin etməsi ilə bağlı məsələyə şərh verərkən deyib.
Xatırladaq ki, noyabrın 27-də Rusiya Prezidenti Vladimir Putin Vladimir Doroxinin Rusiyanın Azərbaycandakı fövqəladə və səlahiyyətli səfiri vəzifəsindən azad edilməsi haqqında sərəncam imzalayıb. V.Doroxin bu vəzifədə 2009-cu ildən çalışıb.