Rusiya səfirliyi Ulu Öndərin anım günü ilə bağlı paylaşım edib

Rusiyanın Azərbaycandakı səfirliyi Azərbaycan xalqının Ümummilli Lideri Heydər Əliyevin anım günü ilə bağlı paylaşım edib.

"Report" xəbər verir ki, bu barədə paylaşım diplomatik nümayəndəliyin teleqram kanalında yerləşdirilib.

"Azərbaycan xalqının Ümummilli Lideri Heydər Əliyev 20 il əvvəl aramızdan ayrıldı. Bizim ortaq ölkəmizin və müasir Azərbaycanın inkişafında əvəzsiz xidmətləri olmuş bu böyük Sovet və Azərbaycan dövlət xadiminin parlaq xatirəsini ehtiramla anırıq”, - paylaşımda bildirilib.

Səfirlik qeyd edib ki, Ulu Öndər Heydər Əliyev müasir Rusiya-Azərbaycan münasibətlərinin əsasını qoyub: “Bu gün Rusiya və Azərbaycan müttəfiq, strateji və səmərəli iqtisadi tərəfdaşlıq, mədəni mübadilə, regionda sülh, təhlükəsizliyin qorunması, dəstəklənməsi nümunəsini təqdim edən ölkələrdir”.