Yuxarı
    Bağlamaq

    Qazaxıstanla Azərbaycan energetika və nəqliyyat sahələrində əməkdaşlığı müzakirə edəcək

    İki ölkənin hökümətlərarası komissiyasının iclası keçiriləcək

    Bakı. 18 sentyabr. REPORT.AZ/ Sentyabrın 21-22-də Astana şəhərində iqtisadi əməkdaşlıq üzrə Qazaxıstan-Azərbaycan hökümətlərarası komissiyasının 13-cü iclası keçiriləcək.

    "Report"un məlumatına görə, bu barədə "MİA Qazinform" məlumat yayıb.

    "Qazaxıstan və Azərbaycan ikitərəfli energetika, tranzit və nəqliyyat sistemləri, kənd təsərrüfatı, təhsil və turizm, ticarət-iqtisadi və investisiya əlaqələrinin genişlənilməsinə aid əməkdaşlıq məsələlərini müzakirə etmək niyyətindədir" – deyə məlumatda deyilir.

    Azərbaycan nümayəndə heyətinə energetika naziri Natiq Əliyev başçılıq edəcək.

    İclasın sonunda yekun protokolu imzalanacaq. İkitərəfli komissiyanın növbəti, 14-cü iclası 2017-ci ildə Bakıda keçiriləcək.

    Qeyd edək ki, Qazaxıstanda Azərbaycan kapitalının olduğu 700-dən çox şirkət qeydiyyata alınıb. Azərbaycanda həmçinin Qazaxıstan kapitalının iştirakı ilə təxminən 60 firma qeydiyyata alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi