Qazaxıstanın KİV və ictimaiyyət nümayəndələri Ağdama səfər ediblər

Qazaxıstanın KİV və ictimaiyyət nümayəndələri Ermənistanın işğalından azad olunmuş Ağdam şəhərinə səfər ediblər.

"Report" xəbər verir ki, bu barədə Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov tviter hesabında yazıb.

Nümayəndə heyəti Ağdamda ermənilərin törətdikləri vəhşiliklərlə tanış olub, işğal dövründə dağıdılmış yaşayış binalarına, mülki obyektlərə, dini, mədəni və tarixi abidələrə, o cümlədən İmarət kompleksinə, Ağdam Cümə məscidinə, Dram teatrının qalıqlarına və Şəhidlər xiyabanına baxış keçiriblər.

#Qazaxıstan #KİV və ictimaiyyət nümayəndələri işğaldan azad olunmuş #Ağdam rayonuna səfər edib. Səfər zamanı qonaqlar dağıdılmış dini abidələr, İmarət, Cümə məscidi, kəndlər, həmçinin, şəhərin yeni inkişaf planı ilə tanış olublar. pic.twitter.com/Ip5s9BYU95

— Emin Huseynov (@Emin_H_official) April 27, 2022