Prezident Səudiyyə Ərəbistanının müdafiə nazirinə təbrik məktubu ünvanlayıb

Bakı. 22 sentyabr. REPORT.AZ/ Azərbaycan Prezidenti İlham Əliyev Səudiyyə Ərəbistanı Krallığının vəliəhdi, baş nazirin müavini, müdafiə naziri Əlahəzrət Məhəmməd bin Salman bin Əbdüləziz Al Səuda təbrik məktubu ünvanlayıb.

“Report” xəbər verir ki, dövlət başçısı müdafiə nazirini Səudiyyə Ərəbistanının Krallıq elan edilməsi günü münasibətilə təbrik edib.

"Ölkənizin milli bayramı – Krallıq elan edilməsi günü münasibətilə Sizi ürəkdən təbrik edir, Sizə möhkəm cansağlığı və xoşbəxtlik, qardaş xalqınıza daim sülh və firavanlıq arzulayıram", - deyə Prezident bildirib.