Yuxarı
    Bağlamaq

    ​Prezident İlham Əliyev Koreyanın baş nazirinin başçılıq etdiyi nümayəndə heyətini qəbul edib

    Azərbaycan Qafqaz mədəniyyətinin, həmçinin Xəzər regionunun mərkəzidir

    Bakı. 27 noyabr. REPORT.AZ/ Noyabrın 27-də Azərbaycan Prezidenti İlham Əliyev Koreya Respublikasının baş naziri Çanq Honqvonun başçılıq etdiyi nümayəndə heyətini qəbul edib. “Report”un xəbərinə görə, qəbul zamanı Azərbaycan Prezidenti İlham Əliyev əmin olduğunu bildirib ki, Koreya Respublikasının baş naziri Çanq Honqvonun səfəri ikitərəfli münasibətlərinə yeni impuls verəcək: “Biz əlaqələrimizin inkişafından razıyıq. Bu əlaqələr çox dinamik irəliləyir, getdikcə yeni sahələri əhatə edir və inkişaf üçün yaxşı potensiala malikdir. Siyasi səviyyədə möhkəm əlaqələr iqtisadi sahədə, biznes sahəsində yaxşı nəticələr əldə olunmasına kömək edir. Sizin ölkənizin əksər şirkətləri Azərbaycanda müxtəlif layihələrdə fəal iştirak edirlər. Həmçinin əminəm ki, Sizin səfəriniz ikitərəfli münasibətlərimizə yeni təkan verəcək və faydalı olacaq”.

    Koreyanın baş naziri Çanq Honqvon isə bu səfərə böyük önəm verdiyini vurğulayıb: “Çünki Azərbaycan Qafqaz mədəniyyətinin, həmçinin Xəzər regionunun mərkəzidir. Cənab Prezident, mən Sizinlə görüşməyimə şadam və səmimi qəbula görə çox sağ olun. Mən bilirəm ki, Sizin atanız Heydər Əliyev sürətli iqtisadi yüksəlişə nail olub və Siz də çox parlaq nəticələrə nail olursunuz.

    Cənab Prezident, Azərbaycan Sizin parlaq rəhbərliyiniz altında möhkəm siyasi sabitlik əsasında gur inkişaf yolu keçir. Sizin prezidentliyiniz dövründə ölkənizin gəlirləri 10 dəfə artıb və bunu Azərbaycanın möcüzəsi hesab etmək olar. Buna görə də Sizə böyük hörmətimi bildirmək istərdim. Biz diplomatik münasibətlərimizi 20 il əvvəl qurmuşuq. Bu, qısa müddətdir. Buna baxmayaraq bizim münasibətlərimiz sürətlə inkişaf edir”.

    Görüşdə Azərbaycan Respublikası ilə Koreya Respublikası arasında infrastruktur, energetika, inşaat, informasiya texnologiyaları, investisiya qoyuluşu və digər sahələrdə əməkdaşlığın perspektivləri ilə bağlı fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi