Peter Mixalko: “Aİ Azərbaycandakı islahatları dəstəkləyir”

“Avropa İttifaqı Azərbaycandakı islahatları dəstəkləyir”.

"Report" xəbər verir ki, bunu Avropa İttifaqının (Aİ) Azərbaycandakı nümayəndəliyinin rəhbəri Peter Mixalko jurnalistlərə açıqlamasında deyib.

"Biz Azərbaycanla bütün sahələrdə: iqtisadiyyat, enerji, kənd təsərrüfatı, sosial inkişaf və digər sahələrdə əməkdaşlığın inkişaf etdiyinin şahidi oluruq. Aİ Azərbaycanda aparılan islahatları dəstəkləyir. Azərbaycanı bundan sonra da dəstəkləməyə davam edəcəyik", - deyə səfir bildirib.

P.Mixalko həmçinin Aİ-nin Azərbaycanın əsas ticarət tərəfdaşı olduğunu da xatırladıb.

Onun sözlərinə görə, ötən il Aİ ilə Azərbaycan arasında ticarət dövriyyəsi 2021-ci illə müqayisədə iki dəfə artıb.