Pakistanda “Qarabağ Azərbaycandır”, “Zəfər Günü” adlı flaşmoblar keçirilib

Azərbaycanın Pakistandakı səfirliyi bu ölkənin aparıcı beyin mərkəzlərindən olan Müslim İnstitutu ilə birgə Pakistanda Azərbaycanın Zəfər Gününə həsr olunan flaşmoblar keçirib.

Bu barədə "Report"a diplomatik nümayəndəlikdən məlumat verilib.

Bildirilib ki, flaşmoblarda “Qarabağ Azərbaycandır”, “Azərbaycanın Zəfər Günü” şuarları, həmçinin Azərbaycan – Pakistan – Türkiyə bayraqları, eləcə də Qarabağın simvolu olan xarı bülbül çiçəyi əks olunub.

Flaşmoblarda 800-dən çox pakistanlı iştirak edib.