PA rəsmisi: "Azərbaycanın Ermənistanın cinayətləri ilə bağlı beynəlxalq məhkəmələrə müraciətləri üzrə icraat və kommunikasiyalar keçirilir"

"Hazırda Azərbaycanın Ermənistanın cinayətləri nəticəsində zərər çəkmiş qaçqın və məcburi köçkünlərin hüquqlarının təmin edilməsi məqsədilə İnsan Hüquqları üzrə Avropa Məhkəməsi və Beynəlxalq Ədalət Məhkəməsinə müraciətləri üzrə ardıcıl icraat və kommunikasiyalar həyata keçirilir".

"Report " xəbər verir ki, bunu Prezident Administrasiyasının İnsan hüquqlarının müdafiəsi məsələləri sektorunun müdiri Həbib Abdullayev 10 dekabr - Ümumdünya İnsan Hüquqları Gününə həsr olunan dəyirmi masada deyib.

"Bu gün işğaldan azad olunmuş ərazilərimizdə infrastrukturun bərpası ilə bağlı keçirilən islahatların əsas məqsədi məhz insanların rahat həyatının təminatıdır. Tam əminliklə bildirmək istəyirəm ki, ölkəmiz insan hüquqları sahəsində hər zaman iştirakçı və təşkilatçı rolunu oynuyacaq", - o vurğulayıb.