Moldovanın sabiq Baş naziri: İtkin düşmüş şəxslərin taleyinin müəyyənləşməsinə yüksək dəstək verilməlidir

Beynəlxalq konfranslarda itkin düşmüş şəxslərin taleyi ilə bağlı məsələlərin səsləndirilməsi öz müsbət töhfəsini verəcək.

"Report" xəbər verir ki, bunu Nizami Gəncəvi Beynəlxalq Mərkəzinin üzvü, Moldova Respublikasının sabiq Baş naziri Kiril Qaburiç "İtkin düşmüş şəxslər probleminin həlli: ailələrin “həqiqəti bilmək” hüququnun dəstəklənməsi" mövzusunda beynəlxalq konfransda çıxışı zamanı bildirib.

K.Qaburiçin sözlərinə görə, gələcəkdə bu cür hadisələrdən sığortalanmaq üçün lazımi addımlar atılmalıdır.

"İtkin düşmüş şəxslərin taleyinin müəyyənləşməsinə yüksək şəkildə dəstək verilməlidir. Əl-ələ verib bu məsələnin həlli istiqamətində addımlar atmalıyıq. Bu məsələdə şəxsi təşəbbüslər də öz rolunu oynamalıdır", - o vurğulayıb.