Mərakeşin səfiri: İki ölkə arasında viza rejiminin ləğvindən sonra turizm sahəsində də ciddi artım müşahidə olunub

Mərakeş və Azərbaycan arasında ticarət dövriyyəsinin həcmi artmaqda davam edir.

Bunu “Report”un Xankəndiyə ezam olunmuş əməkdaşına açıqlamasında Mərakeşin Azərbaycandakı səfiri Adil Embarş deyib.

O qeyd edib ki, iki ölkə arasında viza rejiminin ləğvindən sonra turizm sahəsində də ciddi artım müşahidə olunub:

“Bu bizi çox sevindirir. İnsanlar artıq Mərakeş barədə yalnız “Klon” serialında gördükləri ilə kifayətlənmirlər, həm də gedib ölkəmizi kəşf edirlər. Eyni zamanda, Mərakeş vətəndaşları da Azərbaycana gəlir və bu gözəl ölkə ilə tanış olurlar. İnsanların gəlib ölkəni görməsi vacibdir, lakin onların yenidən qayıtması daha da önəmlidir”.