Manilov: “Kommunikasiyaların açılması Cənubi Qafqazda ticarət əlaqələrini qaydaya salmağa imkan verəcək”

“Cənubi Qafqazda nəqliyyat kommunikasiyalarının açılması regionun bütün ölkələrinə ticarət əlaqələrini qaydaya salmağa imkan verəcək”.

“Report” xəbər verir ki, bunu Sərhəd Qoşunları Komandanları Şurası sədrinin müavini - Koordinasiya Xidmətinin sədri general-polkovnik Aleksandr Manilov jurnalistlərə açıqlamasında deyib.

O qeyd edib ki, belə olan halda ticarət əlaqələri qaydaya düşəcək və insanlar arasında münasibətlər aktivləşəcək: “Bir-birinizə avtomatın nişangahından baxmaqdansa, ticarətlə məşğul olmaq daha yaxşıdır”.