XİN başçısı: "Türk Şurası və Avropa Parlamenti arasında əlaqələrin yaradılmasında iştirak edirik"

“Fəxr edirik ki, Türkdilli ölkələrin Əməkdaşlıq Şurasında müşahidəçi statusuna malikik”.

“Report” xəbər verir ki, bunu Macarıstanın xarici işlər və ticarət naziri Peter Siyarto martın 10-da Azərbaycan xarici işlər naziri Ceyhun Bayramovla birgə keçirdiyi mətbuat konfransında deyib.

“Türk Şurası Parlament Assambleyasındnda iştirak edirik. Türk Şurası və Avropa Parlamenti arasında əlaqələrin yaradılmasında yaxından iştirak etməyə sadiqik. Biz əslində Brüsseldə aparılan danışıqların son fazasındayıq”, - o bildirib.