Macarıstan XİN başçısı: "Cənubi Qafqaz Aİ-nin təhlükəsizliyi üçün bərpa olunan enerji istehsal edə biləcək”

“Cənubi Qafqaz Avropa İttifaqının (Aİ) təhlükəsizliyi üçün əhəmiyyətli miqdarda bərpa olunan enerji istehsal edə biləcək”.

“Report” xəbər verir ki, bunu Macarıstanın xarici işlər naziri Peter Siyarto deyib.

Onun sözlərinə görə, Gürcüstanla əməkdaşlıq Avropanın enerji təhlükəsizliyi üçün vacibdir: “Həmçinin Macarıstan Qafqazdan Avropaya bərpa olunan enerjinin cəlb edilməsində mühüm rol oynaya bilər”.

Nazir bildirib ki, ötən il Azərbaycan, Gürcüstan, Rumıniya və Macarıstan arasında imzalanmış və dünyanın ən uzun sualtı elektrik kabelinin çəkilməsi məqsədi daşıyan dördtərəfli saziş bu cəhətdən mühüm əhəmiyyət kəsb edir.