Liviya Dövləti Prezident Şurası sədrinin Azərbaycana səfəri başa çatıb

Liviya Dövləti Prezident Şurasının sədri Məhəmməd Yunis Əl-Mənfinin Azərbaycana səfəri martın 4-də başa çatıb.

"Report" xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Liviya Dövləti Prezident Şurasının sədrini Azərbaycanın Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər yola salıblar.