Ləziz Kudratov: "Özbəkistanla Azərbaycanın ticarət dövriyyəsi 3 dəfə artıb"

Son 5 ildə Özbəkistanla Azərbaycan arasında ticarət dövriyyəsinin həcmi 3 dəfə artıb.

“Report” xəbər verir ki, bunu Özbəkistanın investisiya, sənaye və ticarət naziri Ləziz Kudratov Daşkənddə keçirilən Özbəkistan-Azərbaycan biznes forumunda deyib.

“Bu ilin əvvəlindən qarşılıqlı ticarətin həcmi 20 % artıb. Mütləq rəqəmlər hələ də nəzərəçarpacaq deyil, lakin yaxın iki ildə bu göstəricini 1 milyard ABŞ dollarına çatdırmağı hədəfləyirik”, - o bildirib.