Lavrovun Bakıya səfəri başlayıb - YENİLƏNİB

Bakı. 6 aprel. REPORT.AZ/ Rusiyanın xarici işlər naziri Sergey Lavrovun Bakıya səfəri başlayıb.

"Report"un xəbərinə görə, Lavrov Bakıda Azərbaycan, Rusiya və İran XİN başçılarının görüşündə iştirak edəcək.

Həmçinin o, Azərbaycanın xarici işlər naziri ilə ikitərəfli formatda da görüş keçirəcək.

"RİA Novosti"nin yaydığı məlumata görə, XİN başçısını Bakıda Azərbaycan Prezidenti İlham Əliyev qəbul edib. Görüşdə Ermənistan-Azərbaycan, Dağlıq Qarabağ münaqişəsi, habelə erməni tərəfinin son günlər atəşkəsi ciddi şəkildə pozması məsələsi müzakirə edilib.