Yuxarı

Jirinovski Azərbaycan Prezidentini doğum günü münasibətilə təbrik edib

Siz dərin bilikləri və rəhbər istedadını özünüzdə harmonik şəkildə cəmləşdirirsiniz

Bakı. 24 dekabr. REPORT.AZ/ Rusiya Liberal Demokrat Partiyası fraksiyasının rəhbəri Vladimir Jirinovski Azərbaycan Respublikasının Prezidenti İlham Əliyevi doğum günü münasibətilə təbrik edib. “Report”un xəbərinə görə, Jirinovskinin təbrik məktubunda deyilir:

“Sizi doğum gününüz münasibətilə Rusiya Liberal Demokrat Partiyası fraksiyasının deputatları adından və şəxsən öz adımdan təbrik edirəm. Siz həyatınızın çox illərini Azərbaycanın mənafelərinə təmənnasız və səmərəli xidmətə həsr etmisiniz, özünüzü qətiyyətli və prinsipial siyasi xadim kimi göstərmisiniz. Siz, çox cəhətdən yüksək peşəkarlığınız və müdrikliyiniz sayəsində dövlət siyasətini uğurla həyata keçirməyə nail olursunuz. Siz dərin bilikləri və rəhbər istedadını özünüzdə harmonik şəkildə cəmləşdirirsiniz. Əminəm ki, Siz öz zəngin təcrübənizə və müasir siyasi şəraiti əla bildiyinizə güvənərək, peşəkar yolunuzu uğurla davam etdirəcəksiniz. Rusiya ilə Azərbaycan arasında səmərəli əməkdaşlıq çox cəhətdən Sizin fəaliyyətiniz sayəsində bundan sonra da dövlətlərimizin vətəndaşlarının rifahı naminə dostluğun və qarşılıqlı anlaşmanın möhkəmlənməsinə şərait yaradacaq. Sizin ən yüksək səviyyədə təşkil olunmuş qəbulunuzu indiyədək minnətdarlıqla xatırlayıram. Sizə möhkəm cansağlığı, uzun ömür, tükənməz həyat enerjisi və bütün təşəbbüslərinizdə uğurlar, yaxınlarınıza xoşbəxtlik və firavanlıq arzu edirəm”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi