İstanbulun küçələrində quraşdırılan monitorlarda Xocalı soyqırımı ilə bağlı görüntülər nümayiş olunur

Türkiyənin İstanbul şəhərinin bəzi küçələrində quraşdırılan monitorlarda Xocalı soyqırımı ilə bağlı görüntülər nümayiş olunur.

“Report”un yerli bürosu xəbər verir ki, bu təşəbbüs Azərbaycanın İstanbuldakı Baş konsulluğu və Beyoğlu Bələdiyyəsi tərəfindən həyata keçirilib.

Monitorlarda Xocalıda törədilən qırğınla bağlı foto və videolarla yanaşı soyqırımı barədə məlumatlar da təqdim olunur.

Faciənin 32-ci ildönümünə həsr olunan aksiya günün sonunada yekunlaşacaq.