İndoneziyanın Bakıdakı səfirliyində Müstəqillik Günü qeyd olunub

İndoneziyanın Azərbaycandakı səfirliyində bu ölkənin müstəqilliyinin 79-cu ildönümü münasibətilə bayraq qaldırma mərasimi keçirilib.

“Report” xəbər verir ki, tədbirdə əsas diqqət ölkə boyu davamlı inkişafın və bərabərliyin təşviqinə yönəlib.

Tədbirdə İndoneziyanın Azərbaycandakı müvəqqəti işlər vəkili Merita Yenni, səfirliyin əməkdaşları, İndoneziyanın ölkəmizdəki vətəndaşları və başqaları iştirak ediblər.

İndoneziyalı tələbələrin ifasında bayraq qaldırma mərasimindən sonra iştirakçılar bu ölkənin himnini ifa ediblər.

Tədbir 2024-cü ilin iyul ayında keçirilən ənənəvi İndoneziya oyunlarının, o cümlədən stolüstü tennis, yarış və s.-nin qalibləri üçün şənliklər və mükafatlarla davam edib.