İtaliya Senatının sədri Azərbaycana rəsmi səfərə gəlib

Bakı. 17 oktyabr. REPORT.AZ/ İtaliya Respublikası Senatının sədri xanım Maria Elisabetta Alberti Kasellati Azərbaycana rəsmi səfərə gəlib.

"Report"un məlumatına görə, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda qonağın şərəfinə fəxri qarovul dəstəsi düzülüb.

İtaliya Respublikası Senatının sədrini Milli Məclis sədrinin müavini Ziyafət Əsgərov və digər rəsmi şəxslər qarşılayıblar.