Yuxarı

​İran Prezidenti: “Azərbaycanla danışıqlar konstruktiv və dostluq şəraitində aparıldı”

O, enerji, nəqliyyat, ticarət, gömrük, ekologiya sahələrində və regional təhlükəsizlik məsələlərində razılığın əldə edildiyini bildirib

Bakı. 16 noyabr. REPORT.AZ/ İran İslam Respublikasının Prezidenti Həsən Ruhani Azərbaycana ilk rəsmi səfərinin nəticələri haqqında açıqlama verərək əldə edilən razılaşmaların hər iki dövlət üçün faydalı olacağını bildirib.

“Report”un “AzərTAc”a istinadən verdiyi məlumata görə, H.Ruhani qeyd edib ki, son bir ildə Azərbaycan Prezidenti İlham Əliyevlə dörd dəfə görüşüb. Bu görüşlər İran ilə Azərbaycanın qarşılıqlı faydalı əlaqələrinin inkişafına xidmət edib.

Bakıda yüksək qonaqpərvərliklə qarşılandığını deyən prezident müxtəlif sahələr üzrə aparılan danışıqların və imzalanan sənədlərin tərəflər üçün səmərəli olduğunu vurğulayıb. Danışıqların konstruktiv və dostluq şəraitində aparıldığını qeyd edən H. Ruhani İran ilə Azərbaycanın enerji, nəqliyyat, ticarət, gömrük, ekologiya sahələrində və regional təhlükəsizlik məsələlərində razılığın əldə edildiyini bildirib.

Prezident iş adamlarının fəaliyyəti və qarşılıqlı investisiyalar üçün şərait yaradıldığını da diqqətə çatdırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi