Yuxarı
    Bağlamaq

    İnsan Hüquqları üzrə Avropa Məhkəməsi Azərbaycanla bağlı növbəti qərarını açıqlayıb

    İnsan Hüquqları üzrə Avropa Məhkəməsi A.Səmədov və İ.İbrahimoğlunun şikayəti üzrə qərarını elan edib

    Bakı. 13 noyabr. REPORT.AZ/ İnsan Hüquqları üzrə Avropa Məhkəməsi (İHAM) Azərbaycanla bağlı növbəti qərarını açıqlayıb. "Report" İHAM-ın mətbuat xidmətinə istinadən xəbər verir ki, Azərbaycan vətəndaşları 1961-ci il təvəllüdlü Azər Səmədov və 1973-cü il təvəllüdlü İlqar İbrahimoğlu (Allahverdiyev) "İslam-ittihad" İctimai Birliyinin qanunsuz bağlanması şikayəti ilə məhkəməyə müraciət ediblər. 

    İHAM İnsan Hüquqları üzrə Avropa Konvensiyasının 11-ci maddəsinin (yığıncaq və birliklərin azadlıqları haqqında) pozulduğunu qət edib və iddiaçılara 4000 avro mənəvi zərərə və 2000 avro xərclərə görə kompensasiyanın ödənilməsi haqqında qərar qəbul edib.

    A.Səmədov və İ.İbrahimoğlu "İslam-ittihad" Birliyinin sədri və İdarə Heyətinin üzvü olublar. Birliyin fəaliyyəti ölkənin Ədliyyə Nazirliyinin müraciəti əsasında 2003-cü ildə rayon məhkəməsinin qərarı ilə dayandırılıb. O zaman məhkəmə müəyyən edib ki, Birlik qanunsuz dini fəaliyyətlə məşğul olub. Bununla əlaqədar Ədliyyə Nazirliyi onlara üç dəfə xəbərdarlıq edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi