Yuxarı

I Avropa Oyunlarını izləmək üçün Azərbaycana səfər edən əcnəbilərin sayı açıqlanıb

Onların sayı 28 mindən artıq olub

Bakı. 1 iyul. REPORT.AZ/ I Avropa Oyunlarını izləmək üçün Azərbaycana səfər edən əcnəbilərin sayı 28 min nəfərdən artıq olub. Bu barədə "Report"a Xarici İşlər Nazirliyindən məlumat verilib. 

Nazirlikdən bildirilib ki, I Avropa Oyunlarında tamaşaçı qismində iştirak etmək üçün ölkəyə səfər edən əcnəbi vətəndaşlara bilet və ya biletin alınmasını təsdiq edən sənəd əsasında Oyunların açılışına 10 gün qalmışdan başlayaraq 2-28 iyun tarixlərində Xarici İşlər Nazirliyinin Konsulluq İdarəsi tərəfindən operativ qaydada viza rəsmiləşdirilməsi həyata keçirilib.

Avropa Oyunlarında tamaşaçı qismində iştirak etmək üçün bilet alan əcnəbilər sırasında Rusiya Federasiyası, Böyük Britaniya və Şimali İrlandiya Krallığı, Almaniya, Hollandiya, İtaliya, İsveçrə, İspaniya, ABŞ və Birləşmiş Ərəb Əmirlikləri vətəndaşları üstünlük təşkil ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi