Bakı. 21 avqust. REPORT.AZ/ Azərbaycan
Xarici İşlər Nazirliyinin mətbuat xidmətinin rəhbəri Hikmət Hacıyev "Report"a bildirib ki, məsələ Azərbaycan Respublikasının Almaniyadakı səfirliyinin diqqətindədir.
"XİN-in təlimatı əsasında səfirlik məsələni Almaniyanın dövlət qurumları ilə araşdırır", - o deyib.
Qeyd edək ki, hadisə Bavariya əyalətinin Noyştad-Valdnabe rayonunda baş verib. Naməlum şəxslər Azərbaycandan olan 19 qaçqının, o cümlədən 3 azyaşlının yerləşdirildiyi sığınacağa od vurub.