Gürсü müxalifətçi Azərbaycana gəlib

Gürcüstanın müxalif “Qirçi - Daha çox azadlıq” Partiyasının sədri, deputat Zurab Caparidze Azərbaycana yollanıb.

“Report”un yerli bürosu xəbər verir ki, müxalifətçi bu barədə feysbuk səhifəsində məlumat yayıb.

Siyasətçi Tbilisi hava limanında çəkdirdiyi selfini paylaşaraq “Hamı Vaşinqtona, mən isə Bakıya gedirəm” sözlərini yazıb.

Z.Caparidze bununla Gürcüstanın müxtəlif siyasi partiya liderlərinin ABŞ-a səfərlərinə reaksiya verib.