Gürcüstanlı deputat: "Azərbaycanın ərazi bütövlüyünü bərpa etməsi ilə bölgədə sabitliyin təməli qoyulub"

"Azərbaycanın ərazi bütövlüyünü bərpa etməsi ilə bölgədə sülh və sabitliyin təməli qoyulub".

“Report”un yerli bürosu xəbər verir ki, bunu Gürcüstan parlamentinin deputatı Zaur Darğallı Tbilisidə keçirilən “Regionda gənclərin və medianın sülhə dəstəyi” adlı forumda çıxışında deyib.

O, Gürcüastanın da yaxın gələcəkdə öz ərazi bütövlüyünü bərpa edəcəyinə əmin olduğunu vurğulayıb: "Bölgənin yeni inkişaf mərhələsinə qədəm qoyacağına ümid edirəm. Regionda baş verən bütün proseslərdə gənclərin və obyektiv medianın rolu çox əhəmiyyətlidir. Bölgədə sülh mövzusunda gənclər və jurnalistlər arasında fikir mübadiləsi üçün şəraitin yaradılması böyük önəm daşıyır".